إمبارح وانا جاى من بكره
قابلتنى حبيبتى ال موش فاكرة
قلت لها إزيك قالت
تعرفنى ولا تقصد غيرى
وجعتنى كلمتها فى روحى
واتغطت بضلوعى جروحى
قلت لها من حزنى سلام
على ماضى كان حلم جميل
ليه نسيت بسرعة الأيام
وهدمت الحلم اللى بانيه
موش فاكرة ان انا كنت أيه
طب وأسمى موش فاكراه ليه
أيا قلبى ياعايش محروم
لو هاقدر راحاسيبك يوم
بتسيبنى وتعيش مع ذكرى
وتملى فى غيرك موهوم
ومعاها واد يجى كام عام
عيونه شدتنى اليه
قلت له يا ابنى اسمك ايه
جه اسمى زى اسمى تمام
العرض العادي
